Վանաձոր քաղաքը պատրաստվում է դառնալ ՍՄԱՐԹ քաղաք, որտեղ IT ոլորտը գնալով զարգանում է:

Together4Armenia հարթակի շրջանակներում Վանաձորի տեխնոլոգիական կենտրոն հյուրընկալվեց IT ոլորտի հիանալի մասնագետ՝ Սուրեն Դանիելյանը, ով խոսեց արհեստական բանականության թեմայի մասին և իր խոսքում մի փոքր անրադարձավ նաև արևային էներգիայով սնուցվող մի շարք կառույցների, սարքավորումների մասին: Այս թեման շատ հետաքրքրեց ներկաներին և վերջիններս խնդրեցին ևս մեկ անգամ հանդիպում կազմակերպել նման մասնագիտությամբ փորձագետի հետ: 

Մեր այս նախաձեռնության նպատակն է կազմակերպել հանդիպում IT ոլորտի այնպիսի մասնագետի հետ, ով կներկայացնի ժամանակակից ճանապարհաշինության կիրառման եղանակները, մասնավորապես արևային էներգիայով աշխատող ճանապարհների մասին տեղեկատվություն:

Ծրագրի արդյունքում ներկաները պատկերացում կկազմեն ճանապարհների կառուցման այլընտրանքային եղանակների մասին և հետագայում կարող են մեծ ծրագիր կազմել և ներկայացնել պետությանը՝ ֆինանսավորման նպատակով: