Արագածոտնի մարզը համարվում է ամենապասիվ մարզը՝ երիտասարդական ծրագրերի իրականացման ցուցանիշով։ Ցածր է նաև քաղաքացիական մասնակցությունը և երիտասարդների ներգրավածությունը որոշումների ընդունման պրոցեսներում։ Այստեղից ծնվեց գաղափարը Թալին քաղաքում հիմնել երիտասարդական ռեսուրս կենտրոն, որը ծառայություններ է մատուցելու Թալին քաղաքի և հարակից 30 համայնքների թվով 6000 երիտասարդներին։ Գլխավոր նպատակն է հիմնել «Երիտասարդների անկյուն» ռեսուրս կենտրոն, որը դառնալու է երիտասարդների համախմբան, կրթության, տնտեսական հզորացման և եվրոպական շարժունակության հարթակ։ Ծրագրի շահառուներն են համարվում Թալին քաղաքի և հարակից 30 համայնքների թվով 6000 14ից 30 տարեկան երիտասարդները։ Նախատեսվող արդյունքներն են. - Վերանորոգված և տեխնիկապես զինված 1 ռեսուրս կենտրոն - Պրոֆեսիոնալ 5 դասընթացավարներ - 1 Մամուլի ակումբ և մամուլի ոչ ֆորմալ կրթության խմբակ - տարեկան 4 եվրոպական փոխանակման ծրագիր - տարեկան 20 երիտասարդ, ովքեր մասնակցել են միջազգային փոխանակման ծրագրերի - Տարեկան 30000$ բյուջե, որը կապահովի աշխատողների վճարներ - Տարեկան 10 Համայնքային ծառայության ծրագիր - Տարեկան 2 հետազոտություն և 2 մարզային երիտասարդական ֆորմում