Powered by Yandex.Translate
ԳՅՈՒՄՐԻԻ ՏԵՔՍՏԻԼ ԱՐԴՅՈՒՆԱԲԵՐՈՒԹՅԱՆ ՎԵՐԱԿԱՆԳՆՈՒՄ
T4A Admin
Ճարտարագիտություն, արտադրություն և շինարարություն
Շիրակ
Ունե՞ք հարցեր:
Ցանկանում եք աջակցե՞լ այս ծրագրին:
Խորհրդային Միության ժամանակներից ի վեր Շիրակի շրջկենտրոն Գյումրին հայտնի է եղել տեքստիլի իր արտադրությամբ։ Սակայն 1988 թվականի ողբերգական երկրաշարժը, որին հաջորդեց Խորհրդային Միության փլուզումը, ավերեց երբեմնի ծաղկում ապրող տեքստիլ արդունաբերությունը ոչ միայն Գյումրի քաղաքում, այլ նաև ամբողջ երկրում։ Այս իրադարձությունների արդյունքում տեքստիլի արտադրության ոլորտում աշխատող բազմաթիվ մասնագետներ կամ արտագաղթեցին, կամ մնացին առանց աշխատանքի։
Այսօր կան քաղաքի երբեմնի ծաղկուն տեքստիլ արդյունաբերությունը վերականգնելու ծրագրեր շահագրգռված թեկնածուներին նախ և առաջ անհրաժեշտ հմտություններով և ոլորտում ստեղծագործական ու ավելի ժամանակակից մոտեցումների մասին գիտելիքներով զինելու միջոցով։ Ուստի այս ծրագրի հիմնական նպատակն է զարգացնել Գյումրիի տեքստիլ արդյունաբերությունը, ինչն էլ իր հերթին կնպաստի Շիրակի մարզի սոցիալ-տնտեսական զարգացմանը։
Ծրագրի ակնկալվող արդյունքների թվում են՝
- Ավելի մեծ թվով որակավորված աշխատողներ տեքստիլ արդյունաբերության ոլորտում։
- Տեքստիլի արտադրության ավելի բարելավված պայմաններ։
- Բարելավված սոցիալ-տնտեսական պայմաններ Գյումրիում։
Անշուշտ, տեքստիլ արդյունաբերությունը Հայաստանի տնտեսության առավել կարևոր ճյուղերից է, որն ունի զարգացման հսկայական ներուժ։ Հետևաբար, սփյուռքի փորձագետների կողմից գիտելիքի և հմտությունների փոխանցումը կարող է լինել այս ոլորտի բարելավմանն ուղղված քայլերից մեկը։
