Powered by Yandex.Translate
Շիրակ
Ունե՞ք հարցեր:
Ցանկանում եք աջակցե՞լ այս ծրագրին:
Հայաստանում ավելի ու ավելի է տարածվում հեծանվավարության մշակույթը՝ որպես սպորտի և ժամանցի միջոց: Մինչ Երևանում ի հայտ են գալիս նույնիսկ որոշ հեծանվուղիներ կամ ակումբներ, Հայաստանի մնացած հատվածը, ունենալով էքստրեմալ հեծանվավազքը զարգացնելու հսկայական ներուժ, ինչ-որ չափով դուրս է մնացել ուշադրությունից: Լեռնային լանդշաֆտը և լայնարձակ տարածքները լավ հնարավորություն են՝ զարգացնելու հեծանվավազքը, մասնավորապես՝ լեռնային և էքստրիմ հեծանվավարությունը, ոչ միայն որպես սպորտի տեսակ, այլև երիտասարդների ու դեռահասների ներգրավվածության և առողջ ապրելակերպի խթանման եղանակ:
Մինչ այսօր Շիրակի մարզում հեծանվային սպորտը զարգացնելու ոչ մի տարածք չի եղել: 2012 թվականի դեկտեմբերին հիմնադրված «Գյումրին մեր տունն է» քաղաքացիական նախաձեռնությունը, որը համախմբում է Գյումրու երիտասարդներին, նախատեսում է կառուցել էքստրիմ հեծանվասպորտի հրապարակ (վելոդրոմ)՝ մարզում մարզական և ժամանցային կյանքը խթանելու նպատակով: Հեծանվահրապարակը օվալաձև, կտրուկ թեքություն ունեցող մրցուղիներով ընդարձակ հարթակ է էքստրիմ հեծանվավազքի սիրահարների համար:
Հարթակը նախագծված կլինի ոչ միայն սկսնակ հեծանվորդների, երեխաների և պրոֆեսիոնալների համար, այլև հարմարեցված կլինի հաշմանդամություն ունեցող անձանց կարիքներին: Ուսուցումը և մարզումները հասանելի կլինեն բոլոր հետաքրքրված անձանց համար: Կստեղծվի հատուկ ակումբ կամ ՀԿ, որը կզբաղվի վելոդրոմի պահպանման և պատշաճ շահագործման հարցերով:
Ծրագրի ակնկալվող արդյունքները ներառում են`
- տեղացի երեխաների, երիտասարդների և դեռահասների ներգրավում առողջ սպորտում՝ որպես ժամանցի ձև,
- երիտասարդների և դեռահասների կամավորական աշխատանքի խթանում,
- երեխաների, երիտասարդների և դեռահասների հանգստի և ակտիվության համար բաց տարածքի ստեղծում,
- Շիրակի մարզում զբոսաշրջության հնարավորությունների բազմազանեցում` ի նպաստ զբոսաշրջության աճիև զարգացման:
