Որպես կանոն այն երկրները, որոնք տուժել են  պատերազմից, բնական աղետներից, աղքատությունից և այլն, սովորաբար ետ են մնում իրենց բնակչության հոգեկան առողջության հարցում, ինչն էլ իր հերթին խոչընդոտում է արդյունաբերության ճյուղերի կայուն զարգացմանն ու երկրի բարգավաճմանը։ Սրա ապացույցը երևում է Հայաստանի Շիրակի մարզում։ Մարդկանց այս համայնքում, որը տեսել է ավերիչ երկրաշարժ ընդամենը 30 տարի առաջ, գրանցվել է աշխատանքային միգրացիայի արդյունքում մանկական աղքատության ամենաբարձր տոկոսը երկրում և այն ունի հարմար հոգեբանական կենտրոնների ու գործող լավ հոգեբանների իրական կարիք։

Հոգեբանության ֆակուլտետի ուսանողները և Գյումրիի առողջապահական հիմնարկներում ու բժշկական կենտրոններում աշխատող հոգեբաններն ունեն տեսական գիտելիքներ, սակայն կարիք ունեն կլինիկական գիտելիքները գործնականում կիրառելու մասնագիտական վերապատրաստման, որպեսզի մարդկանց օգնեն առօրյա հարցերն ու հոգեկան առողջության խնդիրները ավելի արդյունավետ կերպով հաղթահարել կարողանալու գործում։ Հետևաբար, այս ծրագրի հիմնական նպատակն է ուսանողներին և գործող հոգեբաններին տալ խորհրդատվական և բժշկական ծառայություններն ավելի արդյունավետ կերպով մատուցելու հնարավորություն հոգեբանական խորհրդատվության դերը, միջոցներն ու եղանակները սովորելու, «ընդօրինակման մոդելը» կիրառելու և վերլուծելու միջոցով։

Ծրագրի ակնկալվող արդյունքների թվում են՝

• Հոգեբանության ֆակուլտետի ուսանողները լրացնում են հոգեբանական խորհրդատվություն տրամադրելու եղանակների վերաբերյալ իրենց գործնական գիտելիքների պակասը։
• Գործող հոգեբանները բարելավում են իրենց մասնագիտական գործունեությունը հոգեբանական խորհրդատվության և հոգեթերապիայի ծառայությունների մատուցման բնագավառում։.
• Բարելավվում է աշխատանքի որակը Գյումրիի պետական և մասնավոր հոգեբանական կենտրոններում։
• Բարձրանում է Գյումրիի բնակչության հոգեբանական առողջության մակարդակը։