Կոոպերատիվին պատկանող արտադրամասը սոցիալական բիզնես մոդել է, որի նպատակն է ֆերմերից գնել և վերամշակել ունեցած բերքի այն մասը, որը նա ինքնուրույն չի կարողանում վաճառել, և որը նրա բերքի 15-20%-ն է կազմում: Արդյունքում ունենում է պակաս եկամուտ: Արտադրամասի մատակարարներն են Այրումին հարակից առնվազն տաս համայնքների մոտ 500 մատակարարներ: Արտադրամասի գործունեությունից նախատեսվում է մատակարարների տարեկան եկամուտը ավելացնել մոտ 20%-ով: Արտադրամասն 2014թ թողարկել է 14000 տուփ պահածո, 2015թ՝ 1800 տւուփ: Համաձայն պայմանավորվածության կոոպերատիվն իր արտադրանքը նախատեսել էր վաճառել ՌԴ-ում, սակայն 2014թ սեպտեմբերին ռուսական արժույթի արժեզրկումը դարձրեց այդ համագործակցությունը ոչ շահավետ: Հետագայում, հաշվի առնելով արտադրանքի ժամկետայնությունը՝ այն ցածր արժեքով վաճառվել է այլ գնորդների՝ տեղական շուկայում, ինչպես նաև Ռուսաստանում, Բելգիայում և Ֆրանսիայում: