AlterVedi ծրագիրը մեկնարկել է 2017 թ. մարտին: Ծրագրի թիմը սկսեց աշխատել տեղական դպրոցականների և երիտասարդների հետ մարդկային հզորությունների զարգացման համար: Վերջինս կուղեկցվի հաջորդ տարի տարածաշրջանում զբոսաշրջային ենթակառուցվածքների ստեղծման նպատակով:

Վեդի շրջանը հայտնի է իր բնությունով, գյուղատնտեսությամբ և զբոսաշրջային վայրերով (Խոսրովի պետական արգելոց, մեծ թվով ամրոցներ և եկեղեցիներ, հարուստ գյուղատնտեսական արտադրություն և այլն): Մենք ցանկանում ենք իրականացնել մեր ծրագիրը զբոսաշրջության որոշակի հատվածների զարգացման համար (էկոտուրիզմ, ագրոտուրիզմ, հնէաբանական տուրիզմ), որը հնարավորություն կտա տեղացիներին վաստակել լրացուցիչ ֆինանսական միջոցներ (նրանք կաշխատեն որպես ուղեցույցներ, կվաճառեն իրենց տեղական արհեստագործության ապրանքները, կտրամադրեն B&B և այլ ծառայություններ): Այսպիսով մենք ցանկանում ենք լուծել սոցիալ-տնտեսական խնդիրները և դադարեցնել աշխատանքային միգրացիան դեպի արտասահմանյան երկրներ:

Ծրագրի հիմնական նպատակներն են՝ ստեղծել աշխատատեղեր, բարձրացնել Վեդիի տարածաշրջանի տեսանելիությունը, հայտնաբերել և խթանել տեղական ներուժը, ինչպես նաև ստեղծել տեղաբնակների և արտասահմանցիների միջև փոխգործակցության հարթակ:

Ծրագրի հիմնական թիրախային լսարանը և շահառուներն են` արտասահմանյան և ներքին զբոսաշրջիկները, Վեդիի տարածաշրջանի երիտասարդություն ու ձեռնարկատերերը:

Ծրագրի ակնկալվող արդյունքը հանդիսանում են` անգլերենին տիրապետող երիտասարդ տուրիստական անձնակազմը, տուրիստական կենտրոնը (որը ծառայում է որպես կացարան/հյուրանոց), լավ զարգացած գործարարությունը, որպես հիմնական արդյունք՝ Վեդիի տարածաշրջանում կանաչ և էկոլոգիապես մաքուր համայնք: