Մեր կազմակերպության կողմից իրականացված հետազոտությունների արդյունքում պարզ դարձավ, որ երեխաների իրավունքների խախտման դեպքերի մեծ մասը կազմում էին հոգեկան և մտավոր խնդիրներ ունեցող երեխաների օրինակները, որոնց նկատմամբ ճիշտ, մասնագիտական մոտեցում չէր ցուցաբերվում: 

Մասնագիտական համապատասխան փորձառություն չցուցաբերելու հետևանքով մեծ թվով երեխաներ (մտավոր և հոգեկան խնդիրներ ունեցող) դուրս են մղվում հասարակությունից և մատնվում մեկուսացման, անուշադրության, ինչը բացասաբար է ազդում երեխայի հոգևոր, մտավոր ընդունակությունների զարգացման վրա: