Մենք մի խումբ մարդիկ ենք, որոնք ունեն տարբեր գիտական և մասնագիտական անցայլ, սկսած ճարտարագիտությունից ու լեզվաբանությունից մինչև կառավարում։ Մեզ միավորում է ոգևորությունը, թե ինչպիսի հնարավորություններ են բացվում տեխնոլոգիայի և գրականության միջև փոխհարաբերությունից:

Մեր նպատակները՝ այսօր գրականությունը սպառվում է հիմնականում թվային տեսքով: Թվային թագավորությունում հայերեն լեզուն չունի որևէ հենակետ։ Սա էլ խոչընդոտում է դրա լայն օգտագործմանը: Օգտվելով Audiobook-երի և Ebook-երի ստեղծման ու տարածման ընդունված գլոբալ ստանդարտներից՝ մենք նպատակ ունենք հայ գրականությունը դարձնել լայնորեն մատչելի և հեշտորեն սպառելի, և այդ գործընթացում վերականգնել ընթերցողի կապը հեղինակների ու արվեստագետների հետ:

Հիմնական գործունեությունը և ձեռքբերումները՝ Մեր հիմնական գործունեությունը Audiobook-երի և Ebook-երի ստեղծումն է: Ներկայումս մենք ունենք Audiobook-երի ամենամեծ գրադարանը, որը պարունակում է ավելի քան 150 անուն գիրք և 1800 ժամ պրոֆեսիոնալ կերպով ընթերցված բովանդակություն: Մենք ակտիվորեն ընդլայնում ենք մեր Ebook գրադարանը և ակնկալում ենք, որ մինչև 2017 թվականի վերջը կունենանք ավելի քան 200 անուն գիրք, բոլորը պրոֆեսիոնալ կերպով ձևավորված և ամենաբարձր չափանիշներին համապատասխանող ձևաչափով: